Ansvarleg innkjøp

Ansvarleg innkjøp

Å stille krav når vi kjøper varer og tenester er eit kraftfullt verkemiddel for å verne om menneske og miljø. Derfor er ansvarlege innkjøp ein viktig del av berekraftsarbeidet vårt. Vi ønskjer å halde høg etisk standard ved alle innkjøp, og sikre at vi har ansvarlege leverandørar. Alle leverandørar er pålagde å følgje våre etiske retningslinjer for leverandørar. Dei dekker blant anna område som menneskerettar, arbeidstakarrettar, miljø og forretningsetikk.

Leveregler-for-leverandorer Avinor.pdf 

Etikk & Menneskerettar

Avinor er omfatta av regelverket for offentlege anskaffingar. Gjennom dette regelverket er vi forplikta til å ha høvelege rutinar for å fremje respekt for grunnleggjande menneskerettar ved offentlege anskaffingar der det er ein risiko for brot på slike rettar. I Avinor stiller vi høge krav til våre leverandørar og forretningspartnarar.

Avinor ønskjer å bidra til å utvikle og påverke våre leverandørar i positiv retning gjennom marknads- og leverandørdialog i tillegg til generell kontraktsoppfølging.   

Leverandørar og forretningspartnarar som vil delta i konkurranse om kontrakt med Avinor må blant anna forplikte seg til å etterleve våre prinsipp om ansvarleg forretningsførsel. Vi krev at internasjonale menneskerettar blir respekterte og at våre kontraktspartnarar ikkje skal medverke til brot på desse.

Klima og miljø

Offentlege innkjøp utgjer over 600 milliardar kroner årleg i Noreg, og berre i Avinor gjennomfører vi mellom 150 og 200 anskaffingar kvart år. Det gir oss store moglegheiter til å påverke klima og miljø i positiv retning. Når vi stiller krav til for eksempel lågare utslepp, energieffektivitet og berekraftige materialar i anskaffingar, bidreg vi til positiv påverknad av klima og miljø. 
Alle som er involverte i behovsvurdering, bestilling eller bruk av varer og tenester, har ei rolle å spele. Ved å tenkje miljø og klima tidleg i prosessen, kan vi gjere smartare val – som medfører at det vi kjøper har lengre varigheit, gir mindre avfall og har lågare klimaavtrykk.
Regelverket for offentlege anskaffingar fastlegg ei hovudregel om at tildelingskriterium for klima- og miljøomsyn skal vegast med minimum 30%. I unntakstilfelle kan klima- og miljøkrav i kravspesifikasjonen nyttast i staden for å bruke klima og miljø som tildelingskriterium, føreset at det er klart at dette gir betre klima- og miljøeffekt.