Eigarskap og leiing
God eigarstyring og selskapsleiing i Avinor skal sikre størst mogleg verdiskaping og redusere verksemdas risiko. Selskapets verdigrunnlag og etiske retningsliner er ein grunnleggjande premiss for Avinors eigarstyring og selskapsleiing.
Avinor har utstedt obligasjonar som er notert på Oslo Børs og Luxembourg børsen. Rekneskapslova § 3-3b bestemmer at rekneskapspliktige som er utstedere etter verdipapirhandellova § 5-4 skal gjere greie for sine prinsipp og praksis vedkomande føretaksstyring i årsberetninga eller i dokument det er vist til i årsberetninga.
Punkt 3.10 i Oslo Børs’ dokument «Obligasjonsreglane – opptakskrav og løpande forpliktingar» bestemmer at låntakar skal gjere greie for sine prinsipp og praksis vedkomande føretaksstyring på tilsvarande måte. Rekneskapslova er tilgjengeleg på www.lovdata.no. Reglene til Oslo Børs er tilgjengeleg på www.oslobors.no.
Staten som eigar har fokus på at statseigde selskap følgjer «Norsk anbefaling for eigarstyring og selskapsleiing». Styret legg vekt på at verksemdsstyringa i konsernet skal følgje denne anbefalinga så langt den passar.
Norsk anbefaling for eigarstyring og selskapsleiing er tilgjengeleg på www.nues.no
1.Redegjøring for eigarstyring og selskapsleiing
Denne redegjøringa er sett opp i samsvar med disposisjonen i Norsk tilråding for eigarstyring og selskapsleiing, med dei justeringane som følgjer av at Avinor er heileigd statleg aksjeselskap. I tillegg til aksjelova sine generelle føresegn gjeld særlege føresegn for statsaksjeselskap.
Den grunnleggande føresetnaden for drift av Avinors verksemd er at omsyn til tryggleik er viktigast og vert prioritert framfor andre omsyn. Deretter vert det lagt størst vekt på å yte effektive tenester til kundane og samfunnet.
Avinor er eigd av Samferdselsdepartementet. Selskapet ser hen til statens nyaste eigarskapsmelding, Meld. St. 6 (2022-2023), men har sin direkte eigardialog med Samferdselsdepartementet.
2. Verksemd
Avinor er eit konsern med aktivitet innan samferdselssektoren i Noreg. Morselskapet Avinor AS er heileigd av staten ved Samferdselsdepartementet, og er klassifisert som eit kategori 2-selskap. I det ligg at statens mål er berekraftig og mest mogleg effektiv oppnåing av sektorpolitiske mål. Selskapa i denne kategorien opererer primært ikkje i konkurranse med andre. Konsernets hovudkontor er i Oslo. Selskapets verksemd er skildra i vedtektene, som er tilgjengeleg på www.avinor.no.
Avinors oppdrag er å drive eit heilskapleg system av 43 lufthamner og den samla flysikringstenesta for sivil og militær sektor i Noreg.
Verksemda er basert på ivaretaking og utvikling av vesentlege samfunnsoppgåver i alle delar av landet, og skal drivast med høg prioritering av tryggleik og med vekt på miljøomsyn. For å møte eigars krav er det etablert strategiske hovudmål fordelt på områda økonomi, kunde og samfunn, interne prosessar og organisasjonsutvikling. Avinor skal skape verdiar på ein berekraftig måte.Konsernpolicy for miljø og samfunnsansvar skildrar overordna prinsipp for miljø og klima og samfunnsansvar/berekraft i Avinor.OECD sine retningslinjer for ansvarleg næringsliv skal ligge til grunn for arbeidet med berekraft. Avinor er tilknytt Global Compact, FN sitt globale initiativ for næringslivet sitt berekraftarbeid, og rapporterer på berekraft i samsvar med GRI, Global Reporting Initiative.
Føremålet er å forbetre Avinors eigen miljøprestasjon, vere ei drivkraft i miljø- og klimaarbeidet i luftfartsbransjen og vere leiande innan arbeidet med berekraft i norsk luftfart.
Konsernet sine etiske retningsliner er sist revidert hausten 2022. Retningslinene uttrykkjer konsernet sine haldningar i møte med kundar, leverandørar, kollegaer og øvrige omgivnader. Etiske retningsliner er tilgjengeleg på www.avinor.no.
Avinor er medlem av Transparency International Norge og Etisk Handel Norge.
3.Selskapskapital og utbyte
Selskapets aksjekapital er NOK 5 400 100 000 fordelt på 540 010 aksjar som kvar er pålydande NOK 10 000. Konsernet sin eigenkapital skal, i henhald til vedtektene sin paragraf 5, til kvar tid vere minst 40 prosent av summen av selskapets til kvar tid bokførte renteberande gjeld og eigenkapital. Til og med 31. desember 2024 har Avinor løyve til å fråvike kravet i vedtektene sin paragraf 5, minimum eigenkapital skal i denne perioden vere minimum 35 prosent.
Avinor AS er heileigd statsaksjeselskap. Aksjonærane sine rettar vert ivaretekne av ansvarleg statsråd eller dennes stadfortredar på generalforsamlinga. Generalforsamlinga er ikkje bunden av styrets forslag til utdeling av utbyte. Fastsetjing av utbyte vert gjort kvart år. Riksrevisjonen fører kontroll med forvaltninga av statens interesser og kan utføre dei undersøkingar som vert vurderte som naudsynte.
Det er ikkje gitt styrefullmakt til å utføre kapitalauke.
4. Likebehandling av aksjeeigarar og transaksjonar med nærståande
Avinor AS har ein aksjeklasse. Aksjane eigast av staten og dette punktet i NUES-anbefalinga blir ikkje rekna som relevant for Avinor.
5. Fri omsetjelegheit
Aksjane eigast av staten og dette punktet i NUES-anbefalinga blir ikkje rekna som relevant for Avinor.
6. Generalforsamling Samferdselsministeren utgjer selskapets generalforsamling, og er selskapets øvste myndighet. I samsvar med aksjelovens § 20-5 kallar Samferdselsdepartementet inn til både ordinær og ekstraordinær generalforsamling. Departementet bestemmer også innkallingsmåten. Innkalling til generalforsamling skal normalt skje med minst ei vekes varsel, jamfør aksjeloven § 20-5 jamfør § 5-10. Ordinær generalforsamling blir halden kvart år innan utgangen av juni månad. Etter vedtektene skal ordinær generalforsamling godkjenne årsrekneskap og årsberetning, inkludert utdeling av utbytte. I tillegg skal godkjenning av godtgjersle til revisor behandlast, fastsetjing av styregodtgjersle for kommande periode, erklæring om fastsetjing av lønn og anna godtgjersle til leiande tilsette, samt oppnemning av aksjonærvalde medlemmar til styret og eventuelt andre saker som etter lov eller vedtekter høyrer inn under generalforsamlinga. Til ordinær generalforsamling vert styrets medlemmar, dagleg leiar og den revisor som reviderer fjorårets rekneskap innkalla. Styreleiar og konsernsjef har møteplikt på generalforsamlinga. Dei andre styremedlemmane samt revisor og Riksrevisjonen har møterett. Dagsorden blir fastsett av Samferdselsdepartementet. Protokoll frå generalforsamlinga er offentleg. 7. Valnemnd Generalforsamlinga i Avinor AS består av staten ved Samferdselsdepartementet.Generalforsamlinga har ikkje oppnemnt valkomité. 8. Styre, samansetning og uavhengigheit Styret består av åtte medlemmar. Fem av styret sine medlemmar er valt av generalforsamlinga og tre medlemmar er valt av og blant konsernet sine tilsette. Det er ikkje varamedlemmar for dei aksjonærvalde styremedlemmane. Samferdselsdepartementet har ingen eigne styremedlemmar, men i samsvar med staten sine prinsipp for godt eigarskap føreset det at alle styret sine medlemmar skal søkje å ivareta selskapet og aksjonærane sine felles interesser. Styret si samansetning er slik at det til saman kan ivareta eigarane sine interesser og selskapet sitt behov for kompetanse, kapasitet og mangfald. Leiande tilsette er ikkje medlem i konsernstyret, og eig ikkje aksjar i selskapet. Bedriftsdemokratinemnda har godkjent konsernordning som inneber at tilsette i Avinor AS og dotterselskapa er valbare til konsernstyret. Det vert gjennomført val av og blant tilsette kvart anna år. Eigar gjennomfører årlege samtalar med det enkelte styremedlem. Informasjon om det enkelte styremedlem er tilgjengeleg på www.avinor.no. 9.Styrets arbeid Styret følgjer aksjelova sine krav om forvaltning av- og tilsyn med selskapet.I samsvar med vedtektene skal styret sørge for at selskapet tek samfunnsansvar, i denne rapporten omtalt som ansvar for berekraft.Styrets oppgåver er fastsett i eigen instruks.Instruksen blir gjennomgått årleg og oppdatert ved endringar i relevant regelverk og elles etter behov.Styret fastset ein årleg plan for sitt arbeid med særleg vekt på mål, strategi og gjennomføring.Styret gjennomfører årleg ei evaluering av sitt arbeid og kompetanse. Styreinstruksen har eiga omtale av habilitet der det kjem fram at det enkelte styremedlem sjølv har ansvar for å ta opp forhold av habilitetsmessig art, og skal tre frå ved handsaming av ei sak der dei er inhabile.I tvilstilfelle skal spørsmålet leggjast fram for styreleiar.Det skal kome fram av styreprotokollen når eit av styrets medlemmar er inhabil i den enkelte sak. Avinor har ei styreansvarsforsikring som dekkjer det rettslege erstatningsansvaret styret og leiande tilsette kan pådra seg som følgje av ei aktlaus handling.Styreansvarsforsikringa omfattar også saksomkostningar ved erstatningskrav som blir retta mot styret, og er ein vesentleg komponent i dekninga. Forsikringssummen er basert på ei vanleg vurdering av risikoen. Alle styrer i konsernet er dekte. Konsernsjefens ansvar og oppgåver er nedfelt i instruks fastsett av styret. Instruksen blir gjennomgått årleg og oppdatert ved behov. Konserninterne avtalar blir inngått etter prinsippa om armlengdes avstand på vanlege forretningsmessige vilkår og prinsipp. Alle slike avtalar er skriftlege. Transaksjonar med nærståande Det vart halde 10 styremøte i 2023, der eitt ekstraordinært. Møtedeltakinga var med enkelte unntak, fulltallig. Styret har etablert revisjons- og risikostyringsutval som saksførebuande, og støttande organ for styret i sitt ansvar for rekneskapsrapportering, revisjon, intern kontroll og samla risikostyring.Utvalet hadde 5 møter i 2023. Utvalet består ved årsskiftet 2023/2024 av: Styret har etablert HR-, kompensasjons- og HMS-utval som saksførebuande organ i saker om godtgjersle til leiande tilsette i selskapet og om HMS. Utvalet skal førebu retningslinjer for- og saker om godtgjersle til leiande tilsette og gjennomføre løpande vurderingar og overvaking av konsernet sin policy på dette området. Utvalet skal vidare støtte styret i utøvinga av dets ansvar for internkontroll, styret si beretning og årsrapport, og det samla HMS-risikobilete. Utvalet hadde 4 møter i 2023. Utvalet består ved årsskiftet 2023/2024 av: 10. Risikostyring og internkontroll For å sikre heilskapleg styring av selskapet er det utarbeidd eit eige styringssystem som omfattar leiingsdokument, beredskapsplanar, sikkerheitsprosedyrar og prosessar for å styre og kontrollere verksemda. Det blir gjennomført årlege risikoanalyser for konsernet sine aktivitetar, og det blir evaluert og iverksett tiltak for å styre risikobiletet. Styret går årleg gjennom selskapet si risikostyring og internkontroll. Som eit ledd i konsernet sitt interne kontrollsystem har Avinor etablert ein internrevisjonsfunksjon. Konsernet si internrevisjonsfunksjon arbeider etter eit mandat fastsett av styret og i samsvar med standardar fastsett av Institute for Internal Auditors (IAA). Konsernrevisjonen skal bidra til at organisasjonen når måla sine ved å nytte ein systematisk og strukturert metode for å evaluere og forbetre effektiviteten og hensiktsmessigheita av organisasjonen sine prosessar for risikostyring, internkontroll og governance. Internrevisjonen skal gi målretta og strukturert tilbakemelding om Avinor si etterleving av etablerte policyar, konsernstandardar, prosedyrar og etablere tiltak på kritiske område i verksemda. Internrevisjonen skal vidare gi råd for å bidra til forbetringar i Avinor sine styrings- og kontrollprosessar, samt bidra til å auke verdiskapinga i konsernet. Internrevisjonen i Avinor er outsourcet og vert ivareteken av eit eksternt revisjonsfirma. Internrevisjonen rapporterer funksjonelt til styret ved leiar av revisjons- og risikostyringsutvalet, og er funksjonelt uavhengig av leiar- og kontrollfunksjonar i konsernet.Administrativt rapporterer internrevisjonen til konserndirektør strategi og verksemdsstyring.
System for internkontroll og risikostyring knytt til rekneskapsrapporteringsprosessen Avinors etiske retningslinjer og verdigrunnlag dannar saman med føretaket si organisering, leiingsfora og rapporteringslinjer grunnlaget for eit godt internt kontrollmiljø knytt til finansielle rapportering. Forretnings- og støtteprosessar som er vesentlege for rekneskapsrapporteringa er identifisert. Dette inkluderer prosessar vedkomande investeringsprosjekt, inntekter, finanspostar, rekneskapsavslutning samt IT-systema som støttar desse prosessane. Overordna risiko vert handtert og vurdert sentralt, medan transaksjonshandteringa er underlagd både sentrale og desentrale kontrollar. Det er lagt stor vekt på grundig dokumentasjon og vurdering av vesentlege vurderingspostar. Det vert gjennomført kontrolltiltak i den løpande rekneskapsproduksjonen og gjennom den løpande økonomioppfølging. System for evaluering/overvaking av den interne kontrollen knytt til rekneskapsrapporteringsprosessen er under utvikling og vert vurdert løpande. 11. Godtgjersle til styret Godtgjersle til styret og dets underutval vert fastsett av generalforsamlinga. Godtgjersla er ikkje resultatavhengig, og det vert ikkje utstedt opsjonar til styremedlemmene.Aksjonærvalde styremedlemmer utfører normalt ikkje særskilde oppgåver for selskapet ut over styrevervet. Godtgjersle til styrets medlemmer går fram av note til årsrekneskapen. 12. Godtgjersle til leiande tilsette Styret har utarbeidd retningslinjer for fastsetjing av lønn og anna godtgjersle til leiande personar. Retningslinjene skal underbyggje konsernet sin strategi, langsiktige interesser og økonomiske berekraft. Retningslinjene er utarbeidde i samsvar med § 8 i vedtektene og er i tråd med statens retningslinjer for leiarlønn i selskap med statleg eigardel. Vidare har styret utarbeidd ein rapport for leiarlønn som omhandlar leiarlønnspolitikken som har vore ført det føregåande rekneskapsåret. Både retningslinjene og rapporten blir behandla på ordinær generalforsamling. Opplysningar om samla godtgjersle samt styret sine retningslinjer for fastsetjing av lønn og anna godtgjersle til leiande personar er omtalt i note til årsrekneskapen. 13. Informasjon og kommunikasjon Offentleg informasjon om konsernet blir gitt av konsernet si leiing. Konsernet utarbeider kvart år økonomisk kalender der datoar for publisering av finansiell informasjon går fram. Økonomisk kalender er tilgjengeleg på selskapet sine heimesider og på Oslo Børs sine sider.Finansiell informasjon blir publisert i form av ei børsmelding før ho blir gjort tilgjengeleg på www.avinor.no.
Konsernet legg fram fullstendig årsrekneskap saman med årsberetning og årsrapport i slutten av mars månad. Rekneskapstal blir rapporterte kvartalsvis. I medhald av vedtektene skal styret kvart år leggje fram ein plan for verksemda med dotterselskap, for samferdselsministeren. Innhaldet i planen skal omfatte følgjande forhold: Styret skal leggje fram for samferdselsministeren vesentlege endringar i slike planar som tidlegare er lagt fram. 14. Overtaking av selskap Staten ved Samferdselsdepartementet er eineigar av Avinor AS. På denne bakgrunn blir dette punktet i tilrådinga ikkje rekna som relevant for selskapet. 15.
Styret sin leiar vert valt av generalforsamlinga. Alle styret sine medlemmar vert valt for to år.
Ved årsskiftet 2023/2024 bestod styret av:
Styreleiar sidan 2018 Anne Carine Tanum
Styret sin nestleiar sidan 2012 Ola H.Strand
Styremedlem sidan 2016 Linda Bernander Silseth
Styremedlem sidan 2021 Rolf Gunnar Roverud
Styremedlem sidan 2022 Inger Lise Strøm
Tilsetevalt styremedlem sidan 2011 Heidi Anette Sørum
Tilsetevalt styremedlem sidan 2023 Mari Halvorsen Sundgot
Tilsetevalt styremedlem sidan 2023 Sverre Ivar Elsbak
Styret er ikkje kjend med at det i 2023 har førekome transaksjonar mellom selskapet og aksjeeigar, styremedlem, leiande tilsette eller nærståande av desse som kan kallast ikkje uvesentlege transaksjonar. Styremedlemmer og leiande tilsette fører fortløpande oversikt over sine og nærståandes verv og roller utanfor Avinor-konsernet. Det blir gjort stikkprøvekontrollar av oversikten mot offentleg tilgjengeleg informasjon. Oversikten er òg gjenstand for kontroll mot konsernets leverandørregister.
Inger Lise Strøm (leiar)
Rolf Gunnar Roverud
Heidi Sørum
Anne Carine Tanum (leiar)
Linda Bernander Silseth
Sverre Ivar Elsbak