Kort om Avinor

Avinor har cirka 3100 tilsette som saman driv 43 flyplassar i Noreg – og sørgjer for at 51 millionar passasjerar kjem seg trygt opp i lufta og ned igjen.

Dei fleste nordmenn, og dei som kjem på besøk til Noreg tenkjer ikkje så mykje over Avinor, men brukar nesten alle Avinors tenester i samband med flyreisa – og takka vere desse kan vi oppretthalde eit stort nettverk av også mindre lønnsame flyplassar gjennom tax free-sal, parkering og avgifter for å opphalde seg i norsk luftrom. Vi kallar dette for Avinormodellen – og den bidreg til at folk som bur i utkantsområda også får kort veg til jobb, sjukehus, utdanning osv takka vere finansiering frå dei større flyplassane. 

Avinor er ein viktig brikke i å gjere luftfarten grønare og berekraftig på sikt. Vi jobbar tett med miljøorganisasjonar, er sentral i utviklinga av berekraftig flydrivstoff og elektriske fly. Dette er avgjerande for vår overleving, og eit fantastisk spennande område som omhandlar innovasjon og samarbeid med mange spennande partnarar. Vi siktar på å vere fossilfrie innan 2030!