Alle som er kvalifiserte, vil få innkalling til opptaksprøver. Dersom du har deltatt tidlegare og ikkje bestått, vil du ikkje få høvet til å ta testane på nytt.

Dei to første fasane av opptaksprøven består av databaserte testar. Testane måler om du har dei naudsynte eigenskapane for å kunne fullføre utdanninga og arbeide som flygeleiar. Eigenskapar ein er særleg opptekne av er:

• Tredimensjonal førestillingsevne (romoppfatning)
• Rask oppfatningsevne
• God konsentrasjonsevne
• Simultankapasitet (evne til å handtere fleire oppgåver/informasjonar samtidig)
• Beslutningsevne
• Koordineringsevne
• Høg stresstoleranse
• Gode samarbeidseigenskapar

Prøv Eurocontrol sin øvingstest! Testene er gratis, men dei krev at du registrerer ein brukar. 

Slik føregår opptaksprosessen

• Fase 0: Kontroll av søknaden: Det vert sjekka at du oppfyller opptakskrava og har lasta opp vitnemål frå vidaregåande skule i søknaden.
• Fase 1: Innleiande opptaksprøve: Det er ikkje eit krav at du må ha brei datakompetanse. Testane føregår på engelsk. Originalt vitnemål eller duplikat må skaffast og medbringast til opptaksprøvene for kontroll.
• Fase 2: Består du fase 1, går du vidare til fase 2 som varer i ca. 4 timar.