Finansiering

Finansieringskjelder

Avinor har fleire finansieringskjelder i gjeldsmarknaden. Konsernet har sidan 2013 hatt eit EMTN (Euro Medium Term Note) program, som er hovudkjelde til medium til langsiktig finansiering i euro og NOK marknaden.

Konsernet har ein ubrukt kassakreditt på 300 millionar kroner og ein ubrukt femårig trekkfasilitet på 4 milliardar kroner som begge forfell i 2027.

Avinor har utstedt obligasjonar som er noterte på Oslo Børs og Luxembourg-børsen, og Noreg er valt som konsernet sin heimstat. Konsernet følgjer den norske tilrådinga for eigarstyring og selskapsleiing, utarbeidd av NUES (Norsk utval for eigarstyring og selskapsleiing), så langt den passar. Prinsippa i NUES-tilrådinga vert supplerte med regjeringa sitt fokus på eigarstyring og selskapsleiing ved forvaltninga av statens eigarskap.

Avinor har offisielle ratingar frå Moody’s Investor Services (Moody’s) og Standard & Poor’s Rating Services (S&P).

Finansieringsstrategi

Morselskapet Avinor AS er utstedar av nye lån for konsernet, og ny gjeld i heileigde dotterselskap vert gjeve via interne lån frå Avinor AS.