Innbyggjarar
Innbyggjarar
Her finn du som innbyggjar eller nabo nyttig informasjon om utbyggingsprosjektet i Bodø.
Eit søk på Ny lufthamn Bodø på både Facebook og Instagram skal normalt gi treff. Ver merksam på at det kan finnast falske profilar der ute. Du kan òg trykke på lenkjene på denne sida for å kome til riktig profil, og deretter følgje oss for å få oppdateringane.
Facebook:
www.facebook.com/Nylufthavnbodo
Instagram:
www.instagram.com/nylufthavnbodo
Innhaldet i dei sosiale kanalane kan fritt delast og brukast - òg av media - dersom kjelde og fotograf vert kreditert. Om media har behov for høgare oppløysing på bilete som er publiserte på Facebook, kan ein kontakte kommunikasjonsansvarleg i prosjektet på .
Våre entreprenørar har gjennomført godt over 200 store og små sprengingar sidan den første vart utløyst på skotårsdagen, 29. februar 2024. Den største salva har gitt over 65 000 kubikkmeter steinmassar, den minste nokre få kubikkmeter. Om vindretninga er ugunstig med pålandsvind frå sør og sørvest kan salvane høyrest veldig godt over store delar av Bodø-halvøya.
Vi forstår at dette kan vere ubehageleg og skremmande for både små og store bodøværingar, men dette er arbeid som er heilt nødvendige å gjennomføre for å byggje ein ny lufthamn av denne storleiken. Du kan difor førebu deg og dine på kommande salver, gjennom å melde deg på vår varslingsteneste.
Varslingstenesta vert levert av Nabovarsling.no og du finn den her. Tenesta er sjølvforklarande og sjølvsagt heilt gratis for deg som brukar.
Dei største og mest omfattande sprengningsarbeida vart gjennomført i 2024, og sjølv om frekvensen med fleire ukentlege salver kjem til å fortsette gjennom 2025 vil dei enkelte salvane bli mindre utover året. Etter planen skal den siste salva utløysast i løpet av fjerde kvartal 2025.
Sprengingane på anleggsområdet vert stort sett gjennomført på sein ettermiddags- og tidleg kveldstid.
Historikk:
Planlagt:
- August 2025: Byggestart for entreprise «Terminal-Bygg»
- 2029/2030: Åpning av Ny lufthavn Bodø
Avinor fekk i 2017 i oppdrag frå Samferdselsdepartementet å fortsetje arbeidet med å planleggje flyttinga av Bodø lufthamn. Dette med den hensikt å leggje til rette for byutvikling gjennom å fristille sentrumsnære areal ved den eksisterande lufthamna.
I alternativet som blei valt er det planlagt å flytte lufthamna omtrent 900 meter sørvest for dagens rullebane.Det vil seie at avstanden frå bysentrum aukar, men Bodø lufthamn vil framleis vere bynær.
Samfunnsmål
- Avinor skal ved utvikling og etablering av ein ny lufthamn i Bodø legge til rette for å frigjere areal for Bodø kommunes behov for byutvikling og bidra til å styrke regionens moglegheit for vidare vekst.
- Lufthamna skal vere eit regionalt knutepunkt for landsdelen og dekke dei marknadsmessige behova for flyruter, charter og frakt på ein måte som bidrar til verdiskaping, næringsutvikling og busetting.
Effektmål
Ny lufthamn Bodø skal ha:
-
- Kapasitet som i utgangspunktet er tilstrekkeleg 20 år fram i tid
- Gode passasjerløysingar
- Vêrmessig tilgjenge på minst 99 prosent
- Effektiv lufthamndrift
Resultatmål
Helse, miljø og sikkerheit:
Prosjektet har ein nullvisjon når det gjeld skadar og alvorlege hendingar på menneske, miljø og materiell.
Kostnad:
Prosjektet har som mål å gjennomførast til ein kostnad lågare enn styringsramma.
Kvalitet
Klima og miljø:
Prosjektet skal medføre reduserte driftsrelaterte CO2-utslepp frå luftfart i Bodø. I dette ligg utslepp frå drift og transport til og frå lufthamna, samt frå operatørane. Prosjektet skal òg søke å minimere utslepp frå anleggsarbeida, samt løysingar og materialval.
Sertifisering:
Terminalbygget er planlagt sertifisert i henhold til BREEAM (Very Good).
