Avgifter og kvotar
Norsk luftfart er underlagt fleire politiske verkemiddel som er direkte eller indirekte klimamotiverte, og Noreg er truleg det landet i verda som har implementert flest slike verkemiddel for luftfart.
EUs kvotehandelssystem
Sidan 2012 har sivil luftfart vore del av EUs kvotehandelssystem.Alle flygingar innanlands i Noreg og i EU er omfatta.Flygingar ut av og inn til EU er unnateke.EUs mål er at utsleppa i kvotepliktig sektor skal vere minst 55 prosent lågare i 2030 enn dei var i 2005.Det har vore store svingingar i kvoteprisen dei siste åra.I store delar av 2022 var kvoteprisen på mellom 80 og 90 euro pr tonn.EU er venta å redusere omfanget av tilgjengelege kvotar fram mot 2030 for at måla skal nåast.Omfanget av gratiskvotar til luftfart blir sannsynlegvis redusert i åra som kjem.EU-kommisjonen har føreslått 25 % reduksjon av gratiskvotar i 2024, aukande til 50 % i 2025, 75 % i 2026 og at luftfarten frå 2027 ikkje lenger skal tildelast gratiskvotar.Dette vil auke kvoteprisane og på sikt føre til høgare kostnader.
CO2-avgift
Noreg har, som eitt av få land i verda, vald å innføre CO2-avgift på innanriks luftfart.I 2022 utgjorde denne 1,61 kroner per liter jet fuel, eller 631 kroner per tonn CO2.I samsvar med internasjonale avtalar er det ikkje høve til å leggje CO2-avgift
på utanrikstrafikken.
Flypassasjeravgift
I 2016 blei det innført ein passasjeravgift på alle avreiste flygingar frå norske lufthamner.Frå juli 2022 blei avgifta gjeninnført etter koronapandemien. I 2022 var han sett til 214 kroner pr passasjer for reiser til destinasjonar utanfor Europa og 80 kroner for reiser i Europa.
Omsetningskrav
I 2020 innførte Noreg som første land i verda omsetningskrav for luftfart. Inntil vidare er kravet innblanding av 0,5 prosent avansert biodrivstoff. Miljødirektoratet har i byrjinga av 2023 sendt på høyring eit forslag om å auka omsetningskravet for avansert biodrivstoff til luftfart frå 0,5 prosent til to prosent. I EU blir det diskutert eit forslag frå kommisjonen om å innføra eit omsetningskrav på 2 prosent frå 2024, aukande til 63 prosent i 2050.
CORSIA
På ICAOs generalforsamling (FN-organisasjonen for sivil luftfart) i oktober 2016 vart det semje om å innføra eit kvotesystem for klimagassutslepp frå internasjonal luftfart – CORSIA (Carbon Offsetting and Reduction Scheme for International Aviation). Den første fasen til mekanismen på seks år starta i 2021 og er frivillig for statane. 107 statar, blant dei Noreg, melde frivillig deltaking i denne fasen.