Vil du jobbe med oss?
Vart du nysgjerrig på å vite meir om karrieremoglegheitene innanfor teknologi i Avinor? Følg lenka over og les meir!
Vi byggjer framtidas luftrom
Visste du at FAS-programmet til Avinor er eit av Noregs største IT-prosjekt?
– Dette er den mest omfattande teknologiske moderniseringa i norsk og europeisk lufttrafikk nokon gong, fortel programleiaren for FAS, Åse Velure Tretten.
Du hugsar kanskje nyheitssakene om store forseinkingar i flytrafikken i Europa i 2024? På grunn av sprengt kapasitet i luftrommet over Sentral-Europa var det, ifølgje NRK, mange reisande som fekk ferien heilt og delvis øydelagd av flygingar som blei kansellerte eller sterkt forseinka.
Denne utfordringa arbeider no Avinor med å løyse, saman med EU, europeiske partnarar og systerorganisasjonar.
FAS er forkortinga for Future ATM System, og ATM står for Air Traffic Management. Dette programmet skal utvikle og leggje infrastrukturen for flykontroll i norsk luftrom.
– Vi skal byte hovudsystemet for korleis luftrommet vårt blir styrt, forklarer Åse.
Meir effektiv og berekraftig luftfart
Det er fleire grunnar til at Noreg og Europa treng denne moderniseringa. For det første er Europas luftrom underdimensjonert for framtidas trafikkmengde. Det er rett og slett ikkje tilrettelagd for auken i flytrafikk og større utbreiing av dronetrafikk.
Treng fleire teknologar
For å lukkast med FAS, treng Avinor eit breitt spekter av teknologisk kompetanse - både arkitektar, utviklarar, testar, prosjektmedarbeidarar og driftsingeniørar.
– Vi treng folk som kan jobbe både strategisk og operativt, som evnar å samarbeide på tvers av fagfelt, og som triggas av å vere med på noko stort. Å jobbe med luftfart er både fagleg spennande og svært meiningsfullt, seier Åse.
Ho er eit godt døme på at ein ikkje treng å ha bakgrunn frå luftfart for å jobbe i Avinor. Ho er utdanna teknolog, og starta karrieren med programvare-testing før ho gjekk over til prosjektleiing i bank- og forsikringsbransjen. Då ho jobba som innleigd konsulent kom ho i kontakt med Avinor og FAS-programmet, og syntest det var så spennande at ho valde å takke ja til programleiastillinga ho har no.
– Eg blir driven av å skape ein open og inkluderande kultur, der vi støttar kvarandre og ikkje er redde for å teste ut nye ting. Og så synest eg det er veldig givande å gi folk moglegheita til å utvikle seg gjennom godt samarbeid og spanande arbeidsoppgåver, fortel ho.
Eit felles Europa
Målet om eit felles luftrom over Europa – Single European Sky – er svært komplekst og består av mange byggjesteinar. Derfor må kvart land starte oppgraderingar og utskiftingar av system og plattformer etappevis.
Difor er FAS spennande for deg som er teknolog
Single European Sky er det mest komplekse og datadrevne teknologiske samarbeidet i europeisk luftfart nokon gong. No treng vi fleire teknologar med på laget. Dette er noko av det du kan jobbe med:
- Utvikling og utrulling av framtidas ATM-system (Air Traffic Management), som styrer og overvåkar flytrafikken i luftrommet.
- Integrasjon mellom gamle og nye system – både i eigne og europeiske nettverk.
- Big data og sanntidsprediksjon av flyrørsler.
- Utvikling og testing av system som skal operere 24/7 utan feilmargin.
- Tett samarbeid med kontrollsentralane i Røyken og Stavanger, og fagmiljø med ekspertressursar innan systemarkitektur, dataanalyse, sikkerheit, infrastruktur, simulering og operativ IT.
- Kollegaer som er lidenskapeleg opptekne av samfunnsoppdraget, og utviklinga av norsk luftfart.
- Vere med på å bygge løysingar som bokstaveleg talt styrer luftrommet over heile Europa.