Vil du jobbe med oss?
Vart du nysgjerrig på å vite meir om karrieremoglegheitene innanfor teknologi i Avinor? Følg lenka over og les meir!
Anders utviklar for framtidas luftfart
Finst det noko meir spennande enn å vere med og utvikle system for framtidas luftfart? – Vi jobbar med stadig nye problemstillingar, mykje eksperimentering og konstant læring. Det er aldri ein kjedeleg dag på jobb, fortel Anders Iver Gjermo.
Utviklar tryggleik i lufta
Anders Iver er utviklar i Avinor, med arbeidsstad kontrollsentralen i Røyken. Noko av det som motiverer han mest i jobben er dei spennande og særdeles samfunnskritiske arbeidsoppgåvene. Han jobbar nemleg med utviklinga av hovudsystemet som styrer all lufttrafikken i Noreg.
For å gjere dette må utviklarane i Avinor integrere to system; eit velutprøvd og etablert system saman med eit nytt og moderne. Enkelt forklart sørgjer dette systemet for luftromskontroll at det ikkje blir kaos i lufta, at alle fly har sin «korridor» mellom flyplassane, det hjelper pilotane å unngå uvêr og redusere drivstofforbruk. Og ikkje minst at flytrafikken vert avvikla trygt og effektivt.
“– Det som er spanande med denne jobben er at vi har teknologi som er nesten 50 år gammal, som skal snakke med teknologi som er heilt ny og i konstant utvikling. Det er kjempegøy!”
Utvikler i Avinor, Anders Iver Gjermo
Tett kontakt med flygeleiarane
Ein stor del av jobben er å forstå kva brukararane, nemleg flygeleiarane, treng. Flygeleiarane sit i tre kontrollsentralar i Noreg, ein i Bodø, ein i Stavanger, og ein djupt inni fjellet i Røyken.
– Vi må tileigne oss noko av det det same tankesettet som flygeleiarane, slik at vi skjønner korleis systemet skal brukast. Difor skjer ein del av opplæringa for nytilsette i kontrollsentralen, saman med flygeleiarane.