Åpenheitslova

Vårt arbeid med Åpenhetslova 

Avinor forvaltar store verdiar på vegner av samfunnet og samfunnsoppdraget skal utførast med omsyn til menneske, dyr, samfunn og miljø. Avinor stiller derfor strenge krav til etikk, samfunnsansvar og ansvarleg forretningsførsel. Avinor jobbar aktivt for å sikre at vi respekterer grunnleggande menneskerettar og anstendige arbeidsforhold i vår eiga verksemd og i leverandørkjeden vår. 

Styring og etterleving  

Avinor har i fleire år arbeidd med ansvarleg forretningsførsel, og har sidan 2022 systematisk arbeidd for betre å møte krava i lov om verksemder si openheit og arbeid med grunnleggande menneskerettar og anstendige arbeidsforhold (openheitslova), samt OECD-rammeverket. Avinor har eit omfattande styringssystem med prosedyreskildringar for alle funksjonar i konsernet. Arbeidet med aktsemdsvurderingar er innarbeidd i selskapet sitt interne styringssystem for å sikre implementering av aktsemdsvurderingar i alle relevante funksjonar i konsernet. 

Nederst på sida kan du lese vår policy og retningslinjer for etikk og samfunnsansvar.

Aktsemdsvurderingar
Aktsemdsvurderingar og tiltaksplanar er integrert i Avinors årlege strategiske risikostyring og tilhøyrande system.Avinors rammeverk for aktsomheitsvurderingar følgjer dei seks anbefalte stega i OECD-rammeverket for gjennomføring av aktsomheitsvurderingar.

Avinor greier ut om Openheitslova som ein del av vår års- og berekraftsrapport. Du kan lese meir om Avinors arbeid med menneskerettar, openheitslova og aktsomheitsvurderingar i års- og berekraftsrapporten. 

Medlemskap og samarbeid
Gjennom medlemskap i Etisk handel Norge, Global Compact Norge og Transparency International Norge forpliktar vi oss til å arbeide for berekraftig forretningspraksis som respekterer menneske, samfunn og miljø. Vi deltek i relevante bransjenettverk for vår verksemd og samarbeider med andre verksemder om utfordringar i sektorar, eller knytt til spesifikke produkt. 

Avinor deltek i Berekraft 17 nettverket i regi av Etisk Handel Norge. Her samarbeider vi om aktsomheitsvurderingar og utfordringar innan bygg- og anleggsbransjen. I 2023 har fokusområda mellom anna vore beste praksis for handtering av risiko knytt til solcellepanel og korleis vi som eit bransjenettverk kan bidra til meir gjennomsiktighet og betre praksis.

Ansvarleg leverandørkjede
Avinor er omfatta av regelverket for offentlege anskaffingar. Gjennom dette regelverket er vi forplikta til å ha eigna rutinar for å fremje respekt for grunnleggjande menneskerettar ved offentlege anskaffingar der det er ein risiko for brot på slike rettar. I Avinor stiller vi høge krav til våre leverandørar og forretningspartnarar.vi ønskjer å bidra til å utvikle og påverke våre leverandørar i positiv retning gjennom marknad- og leverandørdialog i tillegg til generell kontraktsoppfølging. I vår kommersielle drift er vi også opptekne av å stille tydelege krav til våre forretningsforbindelsar (leigetakarar) om våre forventningar til berekraft og samfunnsansvar. Leverandørar og forretningspartnarar som vil delta i konkurranse om kontrakt med Avinor må blant anna forplikte seg til å etterleve våre prinsipp om ansvarleg forretningsførsel. Vi krev at internasjonale menneskerettar blir respektert og at våre kontraktspartnarar ikkje skal medverke til brot på desse. Alle våre leverandørar og forretningspartnarar skal signere våre levereglar for leverandørar. Utfordringane med arbeidstakarrettar og menneskerettar er store og komplekse innanfor mange verdikjeder. Vi trur uansett at arbeidet med å stille krav og følgje opp krava på sikt vil bidra til anstendige arbeidsvilkår i heile verdikjeda. Seriøsitet i bygg og anlegg
Eit av Avinors største innkjøpsområde er bygg og anlegg, og vi er derfor spesielt opptekne av å bidra til å sikre seriøsitet innan denne sektoren.